120 niu CoVid keisis en wanfala mere pas awei

PM anaonsim tudei[22 Jan 2022] dat kantri hem garem 120 niufala positiv keisis long covid-19.

Hem olso confemim wanfala det. Diswan hem wanfala eldali mere. Hem bin sick en admit long hospitol fo samtaem. Sore tumas hem test en garem covid-19.

Totol namba lo pipol wetem CoVid-19 lo kantri hem kasim 289 nao. Big fala jump from 169 positiv keisis PM tok save dis wik.

50 fala wakaman en mere insaed big hospitol bilong iumi tu garem disfala siki[covid-19]. Diswan barava mekem PM fo wari tumas en konsen aboutim oketa frontliners bilong iumi.