Burning down of local businesses causes unemployment to many innocent locals: The story of Ingi Kaegabatu

In this article we take a visit to Timol Timbers Ltd, a locally owned timber company at Ranadi. We aware that the company is among the many businesses that are burnt down during the recent crisis. Timol has been employing around 50 locals, all of which are coming from different provinces in the country.

Burning down of local businesses causes unemployment to many innocent locals: The story of Ingi Kaegabatu
Timol Timbers, Ranadi.

This is the story of Ingi Kaegabatu.

Hello, Ingi. Yu save tok save kam lelbet baekgraon infomeison abaotim yu?

Hello, yes me nem blo Ingi Kaegabatu. Mi blo North West Choiseul from Voruvoru vilij. Mi garem 3 fala pikinini wanfala stap lo hom en tufala stap wetem mi lo taon. 

Mi en waef separet lo 2014 en mi nomoa luk afta oketa pikinini.

Wat na waka bilong yu lo Timol?

Waka bilong mi lo Timol na hem Band Saw Operator. Mi bin waka lo John Wesley Timber Company, bifo mi kam lo Timol.

Wat gud tings na yu save talem osem wakaman lo Timol?

Mifala evri wan osem family nomoa. Lo hia mifala everi wakaman kam from olketa difren provins bilong iumi. Wok envaeroment hem gud tumas. 

Saed lo pay hem done weekly; so mifala garem selen everi week.

Waka fo timber kampani osem Timol hem easy fo tekem timber lo privilej oketa wakaman garem. Hem wan gud opportunity wea staka pipol no garem. As iumi save timber hem expensive tumas taem masin hem prosesim.

Hao na disfala burning of Timol affectim yu en family bilong yu?

Tu bi honest, mi tingting folom hao na bae mi pem rent bilong mi en mi stress tumas. Mi start kaon tu lo canteen blo neiba fo tings osem rice.

En mi stil no save if bae me save faendem waka kwiktaem. 

Staka bisnis oketa leim off oketa waka man and mere bikos lo CoVid. Hem mekem things hard go moa fo pipol osem mi.

Mi save staka pipol affected osem mi tu as a result lo closed daon lo bisnisis.

Yu tingting fo go back vilij if everything kam tu worst?

Yes. Mi plan fo go baek lo vilij but plan fo stanapim Haus wetem oketa timber me garem distaem bae no luk promising fo mi.

Selen fo go hom tu mi no garem yet. For kasim vilij blong mi lo Choiseul hem lelbet costly. 

If you go back lo vilij, how na iu save faendim selen fo school fee en ada needs?

Lo vilij no staka choisis mi garem. Only copra, fishing en maket. Selen hem small but gud ting iu no pem water bill, rental en bus fare osem lo taon.

Seleni yu bae tekem hem no big osem waka lo taon.

Yu risivim any assistance from Red Cross?

Nomoa yet. Olketa Red Cross kasim mifala. Timol sendem list of employees blong hem finis go long olketa.

Mi bin interviewed bae wanfala wakaman bilong red cross last wik. Hem se, afta oketa condaktim survey ya, bae oketa sendem go report lo responsible authority blong gavman den asistens just kam.

So distaem mi stil wait wait yet fo help oketa promisim ya. Hop hem araev enitaem soon.

Wanem nao yu save talem abaot kaen bone-bone happen jes finis go ia?

Hem rabis samting tumas. Olketa innocent bisnis en wakaman suffer tumas.

Pipol sud no bonem tings taem kros. Waka plesis hem osem garden blo iumi. Ples fo iumi tek selen and savaev.

Iumi spoelem iumi seleva en kantri blo iumi taem iumi bonem bisnis haosis.

Wat nao tingting blong you lo issue wea lead to burning daon lo bisnisis?

Mi neutral lo issue blo politics. But mi laek fo oketa Lida sotim aot olketa problems ya mekem iumi kontiniu fo developim laevs bilong iumi.

Smol obseveison bilong me na osem, disfala issue ya hem build up long taem nao en gavman sud adresim lo fest ples.

Taem pipol protest hem minim oketa no hapi lo samting. Wanem leader sud duim is fo kam daon lo levol blong pipol en tok gud wetem oketa. 

Mi no man bilong politics but mi laek appeal lo oketa gud fala leaders bilong iumi lo kantri fo lisen lo Vois bilong pipol.

Lo tingting bilong mi issue ya hem still no solv. En mi fraet if eni ting bae hapen moa lo fiuja.

Mi bilong choiseul en mi laekem iumi stap Tugeda in pis as wan pipol en no divaeded osem wat iumi experiencem tudei.

Gavman promis fo help rebuildim bisnisis wea bone lo riot las manis? What na u save talem abaotim?

Hem gud samting tumas. Gavman mas kwiktaem faendem selen en sapotim oketa bisnisis ya fo start baek; So dat waka hem available fo evriwan wea lusim waka osem mifala lo hia lo Timol.

Everi masin blong mifala long Timol hem bone. Oketa masin ya cost blo hem bae big tumas. So mi apil lo gavman fo luk save lo mifala osem lokol kampani wea provaedim waka fo lokols.

Anything you laek comment moa lo hem?

Mi laek say nomoa, iumi must no lettem wanem happen between oketa leaders kosim hatred between iumi olketa pipol. Iumi no hatem each ada beis lo kala lo skin bilong iumi. Iumi wan pipol nomoa, bilong Solomon Aelan.