PM anounsim niu CoVid mesas fo olketa bisnisis en public

Everi man en mere mas nila fo CoVid. Sapos yu no garem vaksin setiviket, bae yu no save go insaed eni pablik transpot osem bus en taxi.

Yu mas som tu eni ID garem piksa bilong yu long hem osem:

  • Laesin fo draev
  • NPF kad
  • Passport
  • Kad fo vot

Wanem nao olketa bisnis or kabani mas falom?

Everi wakaman en mere mas tekem evri nila bilong CoVid.

Shop owners

  • Sapos olketa wakaman blo yu no nila, yu no openim shop 
  • Raetim lo floor ples fo kastoma stanap (4m sq)
  • Eniwan no nila no alaod fo pei 
  • Evri kastoma mas werem mask en som vaksin setifiket bifo enta lo shop
  • Sop fo wash hand mas stap lo front doa

Saed lo pablik transpot, olketa mesas ya na yu mas falom.

Taxi

  • Only 3 fala pipol alaod fo stap insaed taxi
  • Draeva en owner blo taxi mas tekem nila fo CoVid
  • Evriwan insaed mas werem mask 

Public Bus

  • Tufala pasenja lo wan row nomoa alaod
  • Bus draeva en condakta mas tekem evri nila bilong covid
  • Evriwan insaed mas werem mask

Passengers

Mas som vaksin setifiket bifo go insaed bus or eni pablik transpot.

Traffic Police

Olketa bae check fo vaksin setifiket en laesin fo draev.

Public Gatherings

PM talem only 5 fala pipol alaod.

What kaen bisnisis na mas no open?

  • Ples for kaikai(restaurant)
  • Ples for Danis en drink bia(Pub/nightclubs)
  • Ples fo plei kura(casino)
  • Ples fo pei en stap(Hotels)

Cargo vessels

Olketa sipi fo karem cargo mas no go until feda notis nex wik.

Provinces

Eniwan laek kam lo Honiara from olketa provinsis lo kantri mas wait until siki ya slow daon.

Gavman waka hard tumas fo kontrolim vaeras ya,so hem gud fo iumi pablik falom oketa mesas ya. Iumi Tugeda againstim CoVid-19.

Comments

Leave a Reply

Your email address will not be published.